( تمشي عليا ، يطلع وراها ادهم )
ادهم : عليا
( متردش ع اخرها ، يمسك ايدها ، رحمة واقفة ع باب الاوضة بتراقب )
عليا ب انفعال وهي بتزق ايده : اوعااا 😠👋
ادهم : في ايه ؟!!
عليا : يعنى مش عارف في ايه 🤷
ادهم : عشان رحمة ؟
عليا : بص انا مقروفة م الي انا شوفته ف ياريت متتكلمش معايا اوك ☝
( تمشي )
ادهم : والله هي الي عملت كدة استنى !!
( تدخل اوضتها وتقفل ف وشه ، تبتسم رحمة 😏 وتروح اوضتها ، ادهم واقف مش عارف يعمل ايه ، يفتكر جده ، يروح يخبط ع اوضته )
الجد : ادخل
( يدخل ادهم )
ادهم : عليا قالتلي انك عاوزني
الجد وهو داخل البلكونة : ايوة تعالى
( يقعدوا ف البلكونة )
الجد : انت عارف ان انت اكبر احفادي واغلاهم ع قلبي ونفسي اشوف ولادك قبل م امـ,ـوت
ادهم : بعد الشر عليك
الجد : المهم .. انا وابوك اتكلمنا ع جوازك
ادهم :
ايوة بابا فاتحني ف الموضوع دة كذة مرة وانا قلتله لما نرجع مصر
الجد : واديكوا رجعتوا 🤷🏻♂
ادهم : وانا معنديش مانع اتجوز .. انا كنت جاي مصر ومقرر كدة
الجد : تمام وفرت عليا مسافة طويلة .. طول عمرك مبتقولش غير حاضر ونعم .. عشان كدة انت دايماً مميز عندي .. وانا مش حابب انك تتجوز حد من برة وتدخل غريب وسطينا .. خصوصاً ان معظم الناس طمعانين ف فلوسنا .. وانت ما شاء الله مش ناقصك حاجة ومستعد انك تفتح بيت .. ف انا اخترتلك العروسة
ادهم ب حماس : مين ؟؟
الجد : رحمة بنت عمك محمد
( يتخض ادهم )
ادهم ب صدمة : نعم 😳
الجد : رحمة
ادهم ب عدم فهم : رحمة ازاي ؟!!!!
الجد ب استغراب : هو ايه الي رحمة ازاي ؟!
ادهم : قصدي انا متوقعتش كدة خالص !!!!!
الجد : مفيش بنات ف البيت غير رحمة وعليا وانا عليا مطمن عليها هادية وراسية وابوها تحت طوعي .. اما انا خايف من عمك محمد ..
طالع قلبه قاسي ودايماً بينا مشاكل ولو حصلي حاجة مش هيسيب حد ف حاله هو وابنه ومش بعيد يورثني ب الحيا كمان 🤷🏻♂
ادهم ب عدم فهم : طب وايه علاقة جوازي من رحمة ب كل دة 😕
الجد : م انت لو اتجوزت بنته هيعرف كدة ان مصلحتها من مصلحة الكل لانها م العيلة وساعتها هيحافظ ع فلوس العيلة دى .. فهمت ؟
ادهم : بس انا مش عاوز رحمة 😐
الجد ب استغراب : اومال عاوز مين ؟!!
ادهم :
لو كنت هفكر ف جواز حد م العيلة كنت هختار عليا مش رحمة 💔
الجد : انا عارف ان رحمة عندية ومتمردة حبتين بس بردوا محدش هيقدر يعدلها غيرك 💁🏻♂
( ادهم مش عارف يقول ايه )
الجد : مفكرتش ليه انا عاوز اجوزك انت مش احمد مع ان سنكم مقارب لبعض ؟
ادهم : ليه ؟!
الجد : عشان انا مأمنش احمد ع عليا .. مع انه هيمـ,ـوت عليها ولمح كذة مرة ب كدة وانا طنشت .. ف متندمنيش اني فكرت فيك ☝️
ادهم :
طب بلاش اتجوز خالص مش عاوز طيب 😕
الجد : انا فكرت انك هتفهمنى وانك هتهمك مصلحة العيلة قبل مصلحة نفسك ومش هتبقا اناني كدة 🤷🏻♂
اهم : يا جدى انا ……….
الجد ب زعيق : انا نفسي حد يفهمني ف البيت دة .. انت ليه مش فاهمني يا ادهم 😕
ادهم ب ضيق : انا فاهمك اقسم بالله فاهمك بس انت الي مش فاهمني 🤦
الجد : انت مش قلت انك موافق تتجوز م العيلة ؟؟
ادهم : ايوة قلت
الجد : هتفرق ايه بقا رحمة عن غيرها ..
دى بنت زي القمر والف واحد يتمناها
ادهم : ايوه 😑
الجد : انت فاهم قصدي اصلاً م الجوازة دي ولا انا قاعد بكلم ف نفسي ؟
ادهم : فاهم 🙄
الجد : انت لو فاهم مش هتجادلني كدة !!!
ادهم : انا مش بجادل حضرتك انا ……….
الجد : بص يا ادهم .. انا ثروتي دي معملتهاش بالساهل دى ب مرار طافح زي م بيقولوا .. وللاسف طلعلي عيل اناني مبيفكرش غير ف مصلحته وكل الي هامه فلوسي وبس .. انا لو انا جرالي حاجة عمك محمد هيدمر البيت دة ..
لكن لما تبقا انت جوز بنته هيخاف يعمل كدة ليخرب بيتها .. فهمتني ؟
ادهم : ايوة 😐
الجد : ايه ردك بقا ؟؟
( يسكت ادهم ثواني مش عارف يفكر ولا لاحق )
ادهم ب قلة حيلة : انا مقدرش اعارض حضرتك ف حاجة