الحلقة الرابعة { ٤ } 🥀 الجد ب ابتسامة : هو دة ادهم الي اعرفه .. انا هبقا افاتح عمك محمد ف الموضوع 🙂
ادهم وهو بيقوم : اوك .. عن اذنك 😒
( يمشي ادهم يروح اوضته ، يفضل رايح جاي فيها مش عارف يعمل ايه ، كلام جده واسلوب رحمة معاه ومليون حاجة ف دماغه ، يفتكر عليا ، قلبه يوجعه 💔 هيعمل معاها ايه ، يقعد ع السرير وبعدين يقوم يمسك الفون )
ادهم : الو
الاب : ايوة يا ادهم
ادهم : حضرتك ف البيت ولا برة ؟
الاب : انا تحت ف الجنينة
ادهم :
لوحدك ؟
الاب : لا قاعد مع عمامك
ادهم : طب ممكن تطلعلي ؟؟
الاب : في حاجة ولا ايه ؟!!
ادهم : اطلعلي بس ضروري
الاب وهو بيقوم : طيب جاي
( يطلع بباه )
الاب ب قلق : في ايه ي ادهم ؟!
( يحكيله ع الي جده قاله )
الاب : جدك عنده حق ف كل الي قاله عمك محمد الي مصبره علينا ان جدك لسة عايش خايف بس يحرمه م الميراث لو مش كدة كان زمانه باعنا كلنا 🤷🏻♂
ادهم ب ضيق :
وانا ايه زنبي انا اتحمل غلط حد تانى ليه طيب 😕
الاب : يابنى ولا غلط ولا حاجة انا مش عارف انت متضايق ليه .. انت مش قلت لما ارجع مصر هتجوز ؟!
ادهم ب تنهيدة : ايوة قلت كدة 😑
الاب : طب واديك هتتجوز وبنت زي القمر وم العيلة كمان يعني عارفينها
ادهم ب حزن : بس انا مبحبهاش طيب 😟
الاب ب استغراب : وهو انت تعرف حد هنا عشان تحبه ؟!!!
ادهم ب انتباه : لأ 😐
الاب :
يبقا لما تتجوزها هتحبها عادى سواء هي ولا غيرها 🤷🏻♂️
ادهم : ايه السهولة دي !!!
الاب : عشان الحكاية بسيطة انت الي معقدها 🙄
ادهم وهو بيقوم : بص ي بابا م الاخر كدة انا مش هتجوز رحمة دي ✋🏻
الاب : لا والله !!!!
ادهم : ايوة
الاب وهو بيقف قصاده : انت بتعصى كلام جدك !!!
ادهم : انا مبعصاش كلام حد بس انا مش هقدر اتجوزها اسف 😐
الاب ب خضة : انت اتجننت عاوز جدك يقول عليك عيل بعد م اديته كلمة !!
ادهم وهو بيبص للارض : هو الي اطرني اني اقولوا ماشي غصب عني 😒
الاب : وانا مش هقول ل جدك حاجة زي كدة !!
ادهم : خلاص انا الي هقوله
الاب : ماشي يا ادهم .. بس لو عملت كدة لا انت ابني ولا اعرفك 😠
ادهم ب خضة : ايه الي بتقوله دة بتدخل نفسك ف الموضوع ليه !!!
الاب ب انفعال : زي م سمعتني كدة م انا مش ع اخر الزمن يتقال اني معرفتش اربي وابنى عيل مالوش كلمة وبيعصى اوامر الكبار ..
انت عارف يعنى ايه ترجع تانى تقوله مش موافق .. دي مصيبة وابقا اعملها ي ادهم 😠
( يمشي الاب ، يلف ادهم ب كل عصبية يشوط الفاسة الي ع الترابيزة يكسرها ، عليا ف اوضتها ع اخرها م الي شافته من رحمة )
عليا ب غيظ : ماشي يا كلبة الكلاب ماشي .. والله ل اوريكي ايام سودة ماشي 😡
( يخبط باب الاوضة )
عليا : ميييين 😒
ادهم : انا
( تقرب ع باب الاوضة )
عليا : عاوز ايه ؟
ادهم : عاوز اتكلم معاكي
عليا :
وانا مش عاوزة 🙄
ادهم : عليا افتحي لو سمحتي 😑
عليا وهي بترجع ع السرير : لا امشي
ادهم ب تعب : براحتك 😒
( يمشي ادهم ، تستغرب عليا انه مأصرش عليها ومشي ، تضايق اكتر وتندم انها مفتحتش ، ميقدرش ادهم يقول ل جده انه مش موافق بسبب كلام ابوه ، تاني يوم ، عليا نايمة ، وفجأة ، تقوم مفجوعة ع صوت زغاريط )
عليا ب استغراب : ايه دة ع الصبح !!!!!
( تقوم من ع السرير تطلع م الاوضة ، تنزل ع السلم ، تلاقي الكل قاعدين ورحمة باين عليها هتفجر م الفرحة ، تقوم رحمة تقرب عليها )
عليا ب استغراب وهي بتبصلهم : هو في ايه ؟!!!
رحمة ب حماس : باركيلي يا لولو 😃
عليا : مبروك بس ع ايه ؟!!
رحمة : اتقرى فاتحتي ع ادهم ☺
( تتصدم عليا )
رحمة ب استغراب : ايه ي بنتي مالك ؟!!!!!
الجد : تعالى يا عليا
( عليا مش عارفة تتحرك من مكانها وكأنها اتجمدت )
سلوى :
باركي ل رحمة ي عليا .. عقبالك ي حببتي 😏
( عليا تبص ل ادهم ، ادهم باصص ف الارض و أم عليا قاعدة زعلانة )
عليا ل رحمة : مبروك 😦
رحمة : ميرسي ي قلبي 😌
( ترتبك عليا وتلف تخبط ف الشغالة وهي شايلة الشربات يدلق عليها ، يبصلها ادهم ب خضة )
رحمة ب خضة : خلي بالك 😮
عليا ب ارتباك : انا اسفة اسفة 😦✋
( تجري ع فوق )
سلوى ب استغراب : مالها ع الصبح !!
رحمة ب تريقة :
شكلها لسة مفاقتش 😏
( تطلع ام عليا وراها ، تدخل عليا اوضتها ، المراية ف وشها تشوف شكل بيجامتها البيضة وعليها الشربات تتخض من منظرها ، تترمي ع السرير وتعيط ، تدخل امها ، تقرب تقعد جمبها ع السرير )
الام وهي بتطبطب عليها : متعيطيش بكرة ربنا يرزقك ب واحد احسن منه
عليا ب وجع : اااااه 😣💔
الام ب استغراب : خلاص يا عليا متكبريش الموضوع في ايه !!!!
عليا ب عياط : انتى مش فاهمة حاجة مش فاهمة 💔
الام : مش فاهمة ايه ؟!!!!
( عليا مش مبطلة عياط )
الام وهي تتقومها : قومي كدة ردي عليا 😕
عليا ب قهرة وهي بتقوم : انا بحبه 💔
الام ب خضة : يلهوي انتي لحقتى دة مبقالوش اسبوع هنا 😯
عليا : اسبوع ايه بس .. انا وادهم بنكلم بعض اكتر من ٧ سنين 😣💔
الام ب صدمة : نعم !!!!
عليا ب عياط : وقايلي انه بيحبني وكان جاي عشان نتجوز .. ازاي يخطبها هي .. ازاي 😫💔
الام ب فهم : اهدي طيب 😟
( تاخدها ف حضــ,,ـنها )
الام :
اهدى وقومى غيري هدومك دي وخلصنا الموضوع خلص .. يلا قومى
( تشاورلها ب اه ، تمشي الام ، تقوم عليا تقلع هدومها مطرح الشربات الي ادلق عليها وتحدفها ف الارض ، ييجي وقت الغدا ، عليا نايمة ع سريرها ومفتحة عينها ودموعها عمالة تنزل ، تدخل امها )
الام وهي بتقرب عليها : يلا عشان تتغدى
( متردش )
الام : يا بنتى
عليا : مش جعانة 💔
الام : قومي بس يلا
عليا ب عياط وهي بتداري وشها ف السرير :
مش جعانة سبيني والنبي 😣
( تقرب عليها امها )
الام وهي بتقعد جمبها : قومى طيب هتكلم معاكي
( تقوم عليا ب تعب تقعد )