فرحة بخجل: لا مهو الدكتورة قالت هفضل كده لحد 6 شهور كمان بدر باصرار: لا انتى كده قلقتينى اكتر قومى هنروح للدكتور يعنى هنروح فرحة بغيظ: ايه يابدر انت غبى كده ليه بدر بص ليها ببلاهة فرحة بخجل: انا حامل بدر مكنش مصدق اللى سمعه فرحة بخوف: بدر انت مش فرحان بدر استوعب بص ليها ودموعه نزلت على خده ركع على الارض ولمس بطنها يعنى هنا ابننا فرحة بتمسح دموعه بحنية:ايوة بقاله 3 شهور
ضمها بسرعة وقال بسعادة: المرة دى علشان ابننا ربنا يخليكوا ليا :::::::::::::::::::::::: فى الصباح صحيت ورد مصدعة لانها فضلت طول الليل تعيط ومش نامت الا بعد الفجر على سجادة الصلاة صحيت لقت نفسها نايمة على السرير ومتغطية ابتسمت بوهن وقالت: ربنا يخليك ليا انا بعمل كده علشان بحبك طلعت بره لقتهم قاعدين قالت وهى بتحاول تبتسم: السلام عليكم الجميع: وعليكم السلام روحى قولى للخدامة تحضرلك الاكل ياورد ورد: حاضر بصت ناحية عمار لقته بيبصلها بعتب ولوم
ماستحملتش النظرة دى من حبيب قلبها حاولت تخلى دموعها متنزلش وهى ماشية لقت فرحة فى طريقها والسعادة باينة عليها فرحة وهى بتبص حواليها: ورد تعالى عايزاكى فى موضوع مهم ورد باستغراب: ايه خير فرحة بخجل: بدر هنا ورد وهى مش فاهمة حاجة: هنا فين فرحة وهى بتشاور على فوق: فوق فى اوضتى ورد بسعادة: يعنى اصطلحتوا فرحة بخجل: ايوة بس خايفة من جدو ورد: متخافيش هنحاول نفهمه بالراحة اهم حاجة لازم تدافعى عن سعادتك
فرحة: طيب هقوله ايه دلوقتى ورد بتفكير: بصى خلى بدر يطلع بره البيت ويجى من الاول علشان لو جدى عرف انه هنا هيعند اكتر فرحة بايجاب: ماشى :::::::::::::::::::::: حبيبة: اهدى بس ياسارة حرام اللى بتعمليه فى نفسك ده سارة ببكاء: انتى مشفتهوش ياحبيبة بيفضل امه عليا حبيبة بحكمة: ياقلبى هى امه ولازم يكون بار بيها سارة وما زالت تبكى: طيب بس مش يولفقها على كل حاجة دى عايزانى خدامة ليها وهو مش عاد زى ايام الخطوبة ياحبيبة بكى جاف معايا
حبيبة بحزن: انا حذرتك منه ياسارة وانتى اللى عاندتى سارة : ياريتنى سمعت كلامك ياريتنى حبيبة بود: سارة مش تستسلمى ده نصيبك لازم تواجهى المشاكل صدقينى ربنا هيحلها خلى عندك يقين بس بالله سارة بحزن: ده بيشك فيا تصدقى منعنى من انى استخدم الفيس والواتس والموب وبيقول انه مش واثق فيا وانى ممكن اكلم غيره زى ماكلمته قبل الخطوبة حبيبة : انا مش هقولك ده غلطك لا مش لازم نضيع الوقت فى اللوم صلحى علاقتك مع ربنا الاول علشان ربنا يصلح الاحوال بينكم صدقينى
بعدين قالت: سارة انتى محافظة على الصلاة سارة بخجل: ها الصراحة بصلى كتير قضى حبيبة بود اخوى: صدقينى ياقلبى صلحى نفسك الاول هتلاقى ربنا معاكى وان شاء الله هيهدى جوزك وانا ان شاء الله هبقى ارن عليكى عند صلاة الفجر علشان مش تكسلى سارة بندم وخجل: حبيبة انا اسفة على كل اللى حصل منى انا كنت انانية معاكى والحمد لله انك مش تاثرتى بدلع ماما لانها سبب من الاسباب فى اللى بيحصلى
حبيبة وهى تحتضنها: مفيش بين الاخوات شكر ياغبية انا هنا فى وقت تحتاجينى فيه يلا بقى علشان مش تتأخرى على بيتك سارة بامل: حاضر ::::::::::::::::::::::::::::::: عبد الحميد: المسامح كريم ياعلام ياسر وهو يقبل جبينها : مبروك ياقلبى ربنا يقدرنى واسعدك بدر بصدمة : فرحة ايه اللى انتى مهبباه فى نفسك ده عمار بغضب قال وهو يغلق الباب خلفه بقوة: مش عايز اطفح حاجة هروح اتخمد احسن ( فضلتم تقروا عليهم
الفصل السادس والعشرون فرحة: يانهارى انت هتنط الحتة دى كلها ازاى بدر بحب: خايفة عليا فرحة: بخاف عليك من الهوا بدر وهو بيرجع: احنا فينا من كده هتخلينى اشيلك واروح لجدك واقوله انا هاخد مراتى واللى عايز تعمله اعمله فرحة بخجل وخوف: ياحبيبى يلا بقى علشان انا خايفة حد يجى دلوقتى وساعتها مش هيحصل خير بدر: طيب امرى لله فرحة: اوعى تنسى تكلم جدى بالراحة وسايره علشان اصلا هو مش بيحب حد يعانده
بدر بحب: امرى لله مع ان ده مش طبعى بس علشان عيونك اعمل اى حاجة قال وهو يقبل جبينها: سلام ياقلبى ونزل من البلكونة فرحة: سلام ياحبيبى وبعدين قالت بحالمية: هييييييييييح كان نفسى انط معاه بينما كانوا جميعا جالسين الحارس: حاج علام فى واحد بره بيقول عايز يشوفك وبيجول اسمه بدر علام قام بغضب: اطردوه من هنا بسرعة فرحة بارتباك: جدى انا عايزة ارجع لبدر علام بص ليها بغضب: بتجولى ايه يافرحة هتعصينى وهتكسرى كلمتى
فرحة : لاعاش ولا كان اللى يكسر كلمتك بس ياجدى بدر ابو ابنى علام بصدمة: ابنك انتى بتخرفى تجولى ايه فرحة بخوف : اناا حاااممل