روفان استغربت وقالت…رائف مالو هو كمان فرح قالت بارتباك..مالوش قصدي انو مشي من غير ما يعرف ايه الي هيحصل معايا …انا كمان كبيره ومسأوله عن تصرفاتي بطلو تعاملوني على اني عبيطه وهبله انا مش عبيطه ولا هبله يا روفان روفان اندهشت من عصبيتها وكلامها اتنهدت وقربت منها ومشت ايدها على شعرها بحنان وقالت…انتي مش هبله..ولا عبيطه..انتي بس بريئه جدا ونضيفه اوي يا فرح والي زيك مفيش منهم كتير..احنا بس بنخاف عليكي يا قلبي..وطبعا علشان بنحبك.. تمام ..على العموم نامي دلوقتي والصبح نكمل كلامنا
فرح راحت تنام وروفان بقت تبصلها بحزن عليها ونامت هيه كمام بعد تفكير كتير عند رائف كان قاعد على الكنبه وعيونه كلها دموع وعليا قربت منو وقعدت عند رجليه وقالت بدموع..رائف…ليه عامل في نفسك كده…انا مقدرش اشوفك كده تبدا…اسمعني يا رائف انت تقدر تحل كل ده…روح لعمران وقولو اننا متجوزين واني حامل انا جبتلك كل الاوراق..خليه يطلق اختك مقابل الي يطلبو ..سواء اننا نعلن جوازنا ..او…او نطلق.. رائف بصلها بدهشه وقال..نطلق…لا طبعا مستحيل…اصلا مقدرش اعمل فيكي كده..انا مش ضامن ايه هيبقى رد فعلو لما يعرف…يمكن اخسرك او اخسر البن مستحيل ..مش هقدر
عليا ابتسمت بدموع وقالت…مفيش حل تاني يا رائف…اختك غلبانه قوي…ومش هتقدر تستحمل الي عمران هيهملو فيها…وانا موافقه مش هقول انك بتبعني ولا اي حاجه صدقني ده احسن حل رائف شدها لحضنه وقال..انتي مراتي يا عليا والي في بطنك ده حته مني عمري ما هعرضكم للخطر ..وموضوع فرح ده انا هحلو …انا هتصرف متقلقيش في صباح يوم جديد روفان لبست وجهزت وطلعت تتسحب عايزه تنزل جلال كان في الحمام وطالع وبينشف وشو واتفاجأ بيها قال….روفان…رايحه فين
روفان وقفت بتوتر وقالت..هروح الاداره جلال بصلها من فوق لتحت كانت لابسه الطقم الي جات بيه من القصر مش الزي الرسمي بتاعها قال..هتروحي الاداره كده بقلم…زهرة الربيع روفان قالت..احم..لا…انا…قصدي هروح لانكل شفيق في الاداره في شويه ورق لازم امضيهم وهاجي على طول لو قدرت تقنعو يروح القصر اتصل عليا وهاجي على هناك تمام جلال استغرب توترها بس مهتمش قال..تمام روفان مشيت وركبت العربيه وكانت هتتصل بخالها بس غيرت رأيها لانها افتكرت انو هيقولها تستنى لما يخلص شغل ويجي معاها وهيه كانت مستعجله ونفسها قوي تشوف رشيد
بعتتلو رساله وكتبت… خالو انا رايحه لرشيد انا هسبقك وانت حصلني …و طلعت بالعربيه عند عمران قام من النوم وطلع من الاوضه لقى جلال بيلبس..قال..على فين بدري كده جلال قال..معايا مشوار مهم… على فكره روفان مشيت علشان متفضلوش تتناقرو بس مراتك لسه نايمه جوه علشان خاطري انا بلاش مشاكل ولا منزلش عمران ابتسم وقال..لا ياعم روح طريقك اخضر..متخافش مش هضايقها جلال ابتسم ومشي وعمران ابتسم بسخريه ودخل عند فرح
فرح كانت نايمه في سابع نومه وشكلها زي القمر شعرها مفرود على كتافها ووشها زي الملاك.. قرب منها وقعد جمبها بقى يبعد خصلات شعرها من على عيونها وابتسم وهو بيمشي عيونه على ملامحها الجميله واستقرت عيونه على شفايفها الصغيره جدا زي حبات التوت بلع ريقه بتوتر من جمالها ومقدرش يمنع نفسو اكتر قرب من شفايفها واحتضنهم بين شفايفو بشوق شديد فرح فتحت عنيها بخضه واتسعت عنيها وتسارعت انفاسها وحاولت تدفعو بس مقدرتش ومحاولتش كتير اصلا كأنها اتخدرت من لمساتو
عمران بعد شويه ياخد نفسو وسند جبينه على جبينها وقال بهمس…تجنني اوي…ومسكره اوي اوي فرح اتكسفت جدا وغمضت عيونها عمران ابتسم وقلبو بيدق بسرعه وشدها عليه جامد ولسه هيكرر الي عملو لكن انتبهه على صوت تليفونو بص للمتصل كان ناوي يتجاهلو بس كانت امه سابها وبعد وقال..احم..نعم يا ماما خير نجوي قالت ببكا..انت فين يا عمران بحاول اتصل عليك بقالي كتير…اختك عليا مش لقياها من قبل الفجر شكلها كانت بايته بره البيت
عمران اتسعت عنيه بشده وقال..ايه عند جلال كان بيتمشى في الشوارع وجاتلو رساله فيها صوره غريبه لروفان قدام بيت غريب وبتبص حواليها ومكتوب…يا ترى مراتك جايه هنا ليه..وياتري انت عندك علم..ولا نايم في العسل..على العموم مراتك رايحه تقابل عشيقها …اعتبرني فاعل خير جلال استغرب قوي وافتكر انها قالتلو هتروح لخالها الاداره طلع بسرعه على العنوان الي في الصوره وهو متوتر جدا وووووووو 9_طلع على العنوان الي كان مع الصور وهو متوتر وجمله مراتك بتخونك ورايحه تقابل عشيقها بتتكرر قدامو و طلع على المكان بسرعه رهيبه
عند روفان وصلت وكانت بتضرب جرس الباب وفتح دكتور لابس بالطو ابيض وقال..ايه ده مدام روفان…غريبه روفان دخلت وقالت..وايه الغريب بقي الدكتور قال …يعني متعودين شفيق باشا بيدينا خبر انك جايه روفان قالت ..المرادي جيت لوحدي حابه اشوف رشيد الدكتور قال..اه..اكيد حضرتك بس استنيه عشر دقايق عندو جلسة علاج طبيعي روفان قعدت تستناه وكل شويه تبص في الساعه وطول جدا لحد الدكتور ما خلصو جلسه العلاج قلها تتفضل ودخلت عند رشيد وكان نايم زي العاده ومتركبلو اجهزه كتير في اوضه مجهزه كانها اوضه في مستشفى
روفان بصتلو بدموع وقالت…اذيك يارشيد…نفسي في يوم اجي ازورك الاقيك فتحت عنيك يارشيد…مش طالبه غير اني ارجع اشوف عيونك …واشوف صورتي فيهم الصوره الي مش بشوفها غير في عيونك..البنت الي انت بتعشقها الي انت وبس بتشوفها…الضعيفه…البريئه وابتسمت بسخريه وقالت..الجميله..في عيونك انت وبس…لو تشوف حببتك يارشيد …اتكسرت اوي..اوي من غيرك روفان كانت بتتكلم بوجع شديد ووقعت دموعها على ايده اما رشيد فكان لاحياة لمن تنادي في دنيا تانيه خالص مفيش غير شريط متعرج في جهاز القلب الي بيدل على حياتو
بقلم….زهرة الربيع روفان مسحت دموعها وابتسمت بوجع وقالت..صحيح..انا …انا جايه احكيلك عن الي بيحصل في غيابك…متقلقش ابدا انا هاخد حقك …هرد كل الي اتعمل فيك..وحق رقدتك دي الي كسرت قلبي لاخليهم يتمنو الموت …انا اصلا قربت وجلال بيلعب دورك بامتياز و
بس قطعت كلامها وقالت..انا صحيح محكتلكش عن جلال…وابتسمت وهيه بتفتكرو وقالت…يشبهك اوي يا رشيد في كل حاجه في شكلو وهيئتو وفي جنانو وطفولتو كلو ..كلو شبهك..شبهك لدرجه توجع القلب واتنهدت وقالت…صحيح هو بيئه حبتين وهمجي شويه وبلدي جدا بس اهو يقضي الغرض …وبصت في الساعه وقالت…ياه انا اتأخرت قوي انا لازم ارجع …وهجيلك تاني يا حبيبي وباست جبينه ومسحت دموعها وحاولت تتمالك اعصابها وخرجت روفان طلعت من عند رشيد واتناقشت شويه مع الدكتور عن حالتو واكد لها ان العلاج ماشي صح وكل شي تمام شكرت الدكتور وفتحت الباب ولسه هتطلع اتفاجأت بجلال قدامها
روفان اتخضت وبلعت ريقها بتوتر وجلال بصلها بحده ودخل وقال..اوعي اكون اتأخرت..ازعل والله روفان قالت بارتباك..اتاخرت على ايه جلال قال بعصبيه وسخريه..على الزقططه على المليطه على الشعبطه …يلا ناديلوخليه يطلع …وبص للدكتور الي كان بيبصلو كأنو شاف شبح ومسكو من البالطو وقال..ولا هو ده ابو نضاره..وبصلها بحده وقال بقالي ساعه ادور على المكان وفي الاخر يطلع صرصار البلاعات ده طب استنضفي يا حضرة الرائد روفان اتنرفزت وقالت..انا لو كنت بستنضف مكنتش زمانك واقف قصادي اصلا..يلا سيب الدكتور واطلع معايا نتفاهم بره
جلال قال بغضب وزعيق..وليه نتفاهم بره ما نتفاهم هنا …وبص للمكان واستغرب جدا مليان ممرضين وانابيب اكسوجين كانو مستشفى قال باستغراب..هو المحروس صحتو بعافيه ولا ايه..طب براحه عليه هيه دي شقت عشيقك ولا الجلاء للولاده روفان قالت بغضب وزعيق .عشيق مين يا خنزير انت ..اطلع قدامي احسن والله اتجنن على الي خلفوك سامع جلال قال ..او والله لا وبتبجحي كمان بدال ما تتكسفي من عمايلك.. روفان قالت وهيه مستغربه جنانو…اتكسف من ايه يا عبيط انت
جلال قال بغضب..انا عبيط فعلا علشان صدقدت واحده شر …وقطع جملتو وغير الكلمه المقصوده وقال…شرطيه…اهبل علشان صدقت واحده شرطيه زيك روفان بصتلو بغيظ شديد لما فهمت كان يقصد ايه وبصتلو بغضب وقالت..لو مطلعتش حالا هخلص عليك يا جلال وقد اعذر من انذر جلال قال بزعيق..مش لما اقابل سيادة اللوا خالك الي رحتي تقابليه وعلى اساس تمضي معاه…ايه مش تعرفيني عليه الاول ولا هو مش هنا و بس قطع كلامو لما شفيق طلع من اوضه رشيد وقال..لا انا هنا..اهلا وسهلا
روفان متفاجأتش ابدا و اتنهدت براحه وجلال اتسعت عنيه بزهول وبلع ريقه بتوتر وميل على روفان وقال بهمس..هو…هو ده خالك..اللوا روفان ابتسمت بغيظ وقالت…هو جلال بلع ريقه وقال…و.وطبعا..طبعا اكيد سمع الي انا قولتو روفان كتفت اديها بغيظ وهزت راسها من فوق لتحت بابتسامه خبيثه جلال اتوتر جدا وقال..اه…سمعني..احم..طب..طب هو خالك قوي يعني روفان كانت عايزه تضحك على منظره وشفيق قال..ايه يا جلال علي التهامي مش كنت عايز تتعرف عليا جلال قال بخوف..احيه..قال اسمي الثلاثي دي فيها مؤبد مش كده
شفيق ضحك وقعد وقال..وهو ايه دخل اسمك الثلاثي بالمؤبد جلال قال بخوف ..مهو حضرتك لو مش زعلان كنت قولت يا جلال بس مدام اتكيت على الاسم كده يبقى اخدت على خاطرك من الكلام العبيط الي انا قولتو..انت كمان عليك حاجات يا باشا حد يا خد على كلامي انا اصلا فاقد الاهليه وأهليه معرفوش يربوني خالص شفيق ضحك جامد وقال..زي ما قالت روفان عنك بالظبط جلال بصلها بشك وقال…وهيه حضرت الرائد بتقول عني ايه لعله خير
شفيق ابتسم وقال بكدب..لا ابدا بتقول دمك خفيف بس روفان قالت بسرعه وغيظ..ارجوز…بقول ارجوز..واطلع قدامي حالا لازم نرجع القصر جلال قال بزهول..ارجوز..انا ارجوز..واتنهد وقال بابتسامه تجنن..حقك يا سيادة الرائد بس افتكري ديما ان فيه ارجوز مستعد يفديكي بعيونه الجوز قال الجمله دي وخرح وسابها باصه لطيفه بابتسامه مقدرتش تمنعها عند عمران اخد فرح وطلعو على القصر وكان بيسوق بسرعه جنونيه والغضب مسيطر هليه ازاي اختو تبات بره البيت من غير علم اي حد
فرح بصتلو بخوف وكانت ماسكه في الكرسي بقوه وخايفه جدا وقالت…ممكن…ممكن تهدي السرعه شويه عمران بصلها بحده نظره ترعب ورجع بص للطريق بغضب فرح خافت اكتر وبقت تبكي وخايفه تعمل صوت وبقت تشهق شهقات مكتومه عمران استغرب بيبصلها لقاها كاتمه صوت عياطها بايدها وبتشهق ووشها احمر وقف العربيه بسرعه لدرجه انها عملت صوت رهيب على الاسفلت..وبصلها باستغراب ورفع ايده ناحيتها وقال..مالك فيه ايه فرح فضلت حاطه اديها على بقها وانكمشت جامد في نفسها وغمضت عنيها فكراه هيضربها
عمران اول ما عملت كده استغرب اكتر هيه ليه فاكره انو هيضربها..عملت ايه اصلا علشان يضربها شد اديها من على بقها براحه وبصلها بهدوء وقال..ممكن تهدي وتقوليلي مالك فرح بقت تحاول تبطل بكا وقالت وهيه بتشهق ومرعوبه..انا..انا خايفه…نزلني..نزلني وانبي عمران استغرب جدا وقال..انزلك فين احنا في نص الطريق ومفيش عربيات هنا بس فرح بقت تبكي جامد بهستريا وتقول..وانبي. وانبي نزلني نزلني ارجوك خلاص انا…انا هعمل كل الي انت عايزه بس نزلني وبقت تحاول تفتح الباب وهيه بتترعش من الخوف
عمران استغرب حالتها جدا وصعبت عليه جدا جدا شدها جامد عليه بقت في حضنه وبقى يمشي اديه على شعرها بحنيه وقال..اهدي يا فرح..انا معاكي…لو سمحتي اهدي وخدي نفس…انا..انا اسف مكانش قصدي اخوفك كده هسوق بهدوء جدا بس خليكي مطمنه ماشي فرح بصت لعيونه وابتسمت وقالت …ماشي..بس خليني كده..ومسكت فيه اكتر وقالت…انا في حضنك مطمنه اوي
عمران ارتبك اوي لما قالت كده وكانت في حضنه وماسكه في هدومه جامد ووشها شكلو اجمل بكتير وهو قريب كده ودموعها على خدودها قرب لا اراديا ومسح دموعها الي كانت على خدودها وشفايفها …بلع ريقه قصاد شفايفها ووقف عندهم للحظات لحد ما جرس الانذار في دماغو فكرو بعليا الي تقريبا كان هينساها اصلا عمران اتنهد وقال..احم..تمام خليكي ماسكه فيا ومتخافيش وفضل سايق بهدوء وهيه حضناه بقوه ومش بتبص للطريق ابدا
عند روفان اول ما اتاكدت ان جلال خرج ابتسمت لخالها وقالت بامتنان..كويس انك وصلت يا خالي كان خلاص هيكشف كل شئ شفيق قال..اول ما فتحت التليفون ولقيت رسالتك جيت على هنا على طول وشفتو واقف عند الباب معاكي ..فتصرفت ودخلت من الباب الوراني الي في اوضة رشيد ..لولا كده الله اعلم ايه الي كان هيحصل…بس..بس انتي ازاي تبقي مستهتره كده ازاي تيجي من غيري وكمان تعرفيه المكان افرض دخل وعرف ان رشيد عايش كنا هنعمل ايه..هنقولو ايه
روفان قالت بسرعه..انا اسفه يا خالي ..كان المفروض استناك مش هتتكرر ..بس انا مش عارفه ازاي وصل هنا..حتى مستحيل يكون مراقبني لاني وصلت قبلو بمده طويله شفيق اتنهد وقال..طيب روحي وافهمي منو كل حاجه ولازم ناخد بالنا اكتر من كده ويستحسن متجيش لرشيد تاني ياروفان..صدقيني ده لمصلحتك ومصلحتو ومصلحت المهمه كلها روفان اتنهدت وقالت..امرك يا خالي وخرجت من المكان وهيه متغاظه جدا من جلال وعايزه تخنقو باديها اول ما طلعت كان جلال واقف عند العربيه وراسم خطوط في الارض وبينط ما بين الخطوط
روفان بصتلو باستغراب وقالت…انت…انت بتعمل ايه جلال وقف وقال..لا..لا ابدا كنت بتسلي على بال ما تخرجي يعني روفان كانت كاتمه غيظها بالعافيه ابتسمت وقالت..بتتسلي..اممم..ماشاء الله رايق وليك نفس تتسلي جلال ابتسم على شكلها وقال..جدا اخر رواق انهارده…طلعت شريف يا بيومي ..في احلى من كده روفان غمضت عنيها وخلالص الكيل طفح حرفيا وقالت..طب اركب..اطلع حالا بدال ما اطلع انا بروحك روفان قالت كده وركبت مكان السواق وجلال قال ..اااه..هو انتي هتسوقي ولا ايه..لا
روفان بصتلو بغضب وهيه بتدور العربيه وقالت..اه ..عندك مانع مثلا جلال قال بتوتر..لا يا اختي انتي مضايقه مني وانا بخاف على زهرة شبابي …ده انا لسه ساقيها الصبح