بالليل كانوا بيتعشوا مع بعض، ودي كانت عادة جديدة بدأت بينهم، مهند بدأ يحكي لها عن ابوه وامه اللي ما.توا في حادثة وهو صغير وجدته اللي ربته، نغم حكت له عن ابوها وازاي ما.ت وسابهم مديونين، لاول مرة يحسوا انهم قريبين من بعض بجد، مهند قال لها انتي غيرتي جو الفيلا، الفيلا كانت كئيبة من غيرك، نغم ضحكت وقالت له انت كمان مش شرير زي ما كنت فاكرة.
ركان صاحب مهند لاحظ التغيير، قال له انت شكلك وقعت يا معلم، مهند اتعصب وقال له انت مجنون احنا متفقين محدش يحب التاني، دي القاعدة الاولى، ركان ضحك وقاله القاعدة الاولى دي هي اول قاعدة هتتك.سر.
حنين خرجت من المستشفى ومهند صمم انها تيجي تقعد معاهم اسبوع في الفيلا لحد ما تشد حيلها، نغم كانت فرحانة اوي، ريتال بقت تجري في جنينة الفيلا وتلعب، مهند بقى يلعب مع ريتال ويجيب لها شيكولاتة ولعب، حنين قالت لنغم في يوم وهي قاعدة معاها لوحدها، مهند بيحبك يا نغم، باين في عنيه، نغم قالت لها لا يا ماما ده اتفاق، حنين قالت لها الحب مفيهوش اتفاق يا بنتي.
في مرة مهند تعب بالليل وجاله دور برد جامد وسخونية عالية، نغم فضلت سهرانة جنبه طول الليل بتعمله كمادات وبتديله الدوا، مهند وهو تعبان مسك ايدها وقال لها متسبنيش، نغم دموعها نزلت وقالت له عمري ما هسيبك، تاني يوم الصبح مهند صحي لقى نغم نايمة على الكرسي جنبه وماسكة ايده، حس لاول مرة من سنين انه مش لوحده، ان في حد خايف عليه بجد مش عشان فلوسه.
بعدها بيومين كان في حفلة كبيرة عاملها لؤي عشان يكشف كدبهم، عزم كل العيلة وقال لمهند لازم تيجي انت ومراتك، نغم كانت خايفة جدا، في الحفلة لؤي قعد يسألها اسئلة محرجة، انتي تعرفي مهند بيحب ياكل ايه، بينام الساعة كام، ايه اكتر ذكرى بتجمعكوا، نغم بصت لمهند بتوتر، مهند قام ومسك ايدها وقال انا هجاوب، مراتي بتحب الملوخية بتاعة الست فاطمة وبتسهر تذاكر لاختها الصغيرة وبتخاف من الضلمة وبتعيط لما بتسمع ام كلثوم، وبتحب تشرب شاي بلبن الصبح، نغم اتصدمت انه حافظ كل تفاصيلها، هي كمان قامت وقالت ومهند بيحب القهوة سادة وبيصحى بدري وبيحب يسمع فيروز وهو سايق وبيخاف يبين
انه طيب عشان محدش يستغله، وبيحب ريتال اختي كأنها اخته، كل الناس سقفت ولؤي اتغاظ جدا لان خطته فشلت.
بعد الحفلة وهما راجعين في العربية كان في مطر جامد، مهند وقف العربية على جنب عشان المطر يهدى، نغم كانت سقعانة، مهند قلع الجاكيت بتاعه ولبسهولها، قعدوا يتكلموا كتير تحت صوت المطر، مهند قال لها انا عمري ما تخيلت ان الجوازة الصورية دي هتخليني احس اني بني ادم تاني، انتي علمتيني يعني ايه بيت، نغم قالت له وانا كنت فاكرة ان كل الاغنيا قلبهم قاسي، بس انت طلعت احن واحد شفته، مهند قرب منها وبص في عنيها وكان نفسه يقول لها بحبك بس خاف يبوظ الاتفاق، نغم كمان كانت عايزة تقول بس سكتت.
فاضل اسبوع على نهاية الشهرين، المحامي جه وقال لمهند خلاص الورق كله جاهز وهتستلم الورث بعد اسبوع بالظبط، مهند المفروض يفرح بس حس بخنقة غريبة، يعني نغم هتمشي، هتاخد فلوسها وتمشي وكل واحد يروح لحاله، الفكرة وجعته، في نفس الوقت نغم كانت بتلم هدومها وهي بتعيط في اوضتها، اتعودت على الفيلا وعلى الست فاطمة وعلى ريتال وهي بتجري ورا مهند، واتعودت على مهند نفسه، على ريحته وهو معدي جنبها، على صوته وهو بيصحيها الصبح، على خوفه عليها.
الست فاطمة دخلت عليها لقتها بتعيط، قالت لها مالك يا بنتي، نغم قالت لها هامشي يا دادة خلاص الشهرين خلصوا، الست فاطمة قالت لها انتي عب.يطة يا بنتي هو في واحدة عاقلة تسيب راجل بيحبها كده، نغم قالت لها بيحبني ازاي ده اتفاق، فاطمة قالت لها يا بنتي انا مربياه وعارفة عنيه لما يحب، عنيه وهي بتبص لك بتلمع، ده غير انه من ساعة ما انتي جيتي وهو بطل سهر وبطل عصبية وبقى يضحك.
نغم نزلت اخر يوم الصبح بدري عملت الفطار لاخر مرة، عملت لمهند البيض اللي بيحبه والشاي بلبن بتاعها، مهند نزل لقى السفرة مليانة، قعدوا يفطروا وساكتين، كل واحد مستني التاني يتكلم، ريتال دخلت تجري عليهم وحضنت مهند وقالت له مش هتمشي نغم صح، مهند بص لنغم وسكت، نغم حضنت اختها وقالت لها هاجي ازورك على طول، ريتال عيطت وقالت لا خليكي معانا، مهند حس ان قلبه هيقف من الوجع.
مهند بعد ما قال لها بحبك اخدها الجنينة وقعدوا على المرجيحة اللي نغم بتحبها، قال لها فاكرة اول يوم جيتي الفيلا كنتي خايفة و ماسكة شنطتك كأنك هتجري، نغم ضحكت وقالت كنت مرعوبة منك كنت فاكراك مغرور، مهند قال لها وانتي كنتي عنيدة وكل شوية تقولي ده اتفاق، نغم قالت كنت بفكر نفسي عشان مقعش بس وقعت خلاص. تاني يوم مهند كلم المحامي وقاله الغي كل اجراءات الطلا.ق انا مش هط.لق، المحامي فرح لانه كان عارف ان جدة مهند كتبت الوصية دي عشان تجبره يحب ويعيش، الفلوس مش هتخليه سعيد السعادة في حد يشاركه حياته.
نغم راحت لحنين حضنتها وقالت العملية كانت وش السعد عليا لولا تعبك مكنتش قابلت مهند، حنين قالت ربنا بيسبب الاسباب وكل محنة وراها منحة، ريتال قالت انا بحب مهند عشان بيجيب لي لعب، كلهم ضحكوا. مهند عمل فرح كبير حقيقي لنغم عزم كل الناس ونغم عزمت جيرانها واصحابها، لبست فستان ابيض جميل مهند جايبه مفاجأة، ركان قال كلمة انا اللي جمعتهم بفكرة مجنونة بس الجنون طلع حب بجد.
سافروا شهر عسل في الساحل في فيلا الورث، نغم اول مرة تشوف البحر قريب كانت بتجري على الرمل ومهند وراها، بالليل يقعدوا قدام البحر يحلموا، مهند قال عايزك تكملي دراسة ونفتح مشروع لمامتك، نغم قالت عايزاك تفضل حنين زي ما انت. رجعوا وبدأوا حياتهم، نغم تروح الجامعة وترجع تعمل الغدا مع الست فاطمة ومهند يرجع بدري، ريتال بقت معاهم وحنين صحتها احسنت، لؤي بعد عنهم، مهند استلم الورث وتبرع بجزء لجمعية القلب، وفي يوم جاب لها مفتاح مكتبة جديدة فوق السطوح عشان تذاكر، نغم عيطت وقالت كنت جاية عشان فلوس عملية لقيت عيلة وحب وعمر.
اخر يوم جه، مهند كان قاعد في الصالون مستني نغم تنزل، نغم نزلت لابسة نفس اللبس البسيط اللي جت بيه اول يوم، قالت له انا متشكرة على كل حاجة عملتها عشان امي، الفلوس اللي في العقد انا مش عايزة غير تمن العملية بس، الباقي رجعهولك، مهند قام وقف قدامها وقال لها انتي فاكرة ان كل ده كان تمثيل، نغم سكتت، مهند قال لها انا كنت داخل الجوازة دي عشان الفلوس وانتي كنتي داخلة عشان امك، واتفقنا محدش يحب التاني، بس انا ك.سرت القاعدة الاولى يا نغم، انا حبيتك، حبيت طيبتك وجدعنتك وضحكتك اللي بتنور الفيلا، حبيت كل حاجة فيكي، ومش عايزك
تمشي. نغم عيطت وقالت له وانا كمان ك.سرت القاعدة من بدري، من اول مرة دافعت عني في شركتك وانا حبيتك، بس كنت خايفة اقول، مهند ضحك ومسك ايدها وقال لها تتجوزيني بجد بقى المرة دي مش شهرين، المرة دي العمر كله، نغم ضحكت وعنيها مليانة دموع وقالت له موافقة، بس المرة دي من غير عقود ولا شروط، شرط واحد بس انك تفضل تحبني زي ما انا حبيتك، مهند خدها في حضنه وقال لها وعد.
لؤي لما عرف انهم هيكملوا بجد اتغاظ ومشي، وريتال الصغيرة كانت بتزغرط بطريقتها، وحنين كانت بتعيط من الفرحة، والست فاطمة عملت شربات ووزعته على كل الخدم، والفيلا اللي كانت ساكتة رجعت فيها الحياة تاني، وجوازة الشهرين اللي كانت مصلحة بقت جوازة العمر كله، ومهند عرف ان ورث جدته الحقيقي مكنش الفلوس ولا الفيلا، كان نغم، وانه لما ك.سر القاعدة الاولى هو ده اللي كسبه بجد.
وفي النهاية نغم فهمت ان الحب الحقيقي بيجي فجأة بدون ميعاد ولا اتفاق، ومهند فهم ان الشهرين اللي كانوا مصلحة بقوا احلى شهرين في عمره، وكل يوم بعدهم بقى عيد جديد مليان حب وحنية وضحك وذكريات حلوة بتكبر معاهم يوم ورا يوم للابد. وريتال كبرت وهي شايفة الحب قدام عنيها وحنين ارتاحت واطمنت على بناتها اخيرا. وانتهت الحكاية وبدأت حكاية اجمل. بحب كبير اوي
