في اليوم التالي
ظلت فاتن تبحث عن فرصة عمل عبر الانتر.نت و تواصلت مع بعضها .
اكتشفت كثيرا عدم مصداقيتها ووجدت مصداقية في بعضها الاخر .
مر اليوم ثقيلا بينما كانت تعد فاتن نفسها لمواجهة محتملة مع سهير !!!
دخلت ساعات الليل بينما كن قلبها يرتعد حتي اقتربت من منتصف الليل و دق هاتفها !!!
التقطت هاتفها ووجدت المتصلة سهير كما توفعت !!! …..
فاتن : نعم ؟؟
سهير : ايه يا تونة انتي مش جاية ولا ايه ؟؟
فاتن : لأ ، مش هرجعلك تاني ، وبعد اذنك متتصليش عليا تاني .
سهير : ايه الجرأة دي !!! انتي مش خا.يفة من الف.ضيحة ؟؟
فاتن : لأ مش خا.يفة ، ويلا اقفلي علشان عايزة انام . اغلقت فاتن المكالمة تملؤها مشاعر القوة والصمو.د والانتصار .
نهضت ودخلت توضأت ودخلت الي الصلاة وظلت تدعو ربها ان يسترها وان يبعد عنها كل شر وسوء .
وظلت تكرر دعواتها كثيرا وامسكت المصحف الشريف وظلت تقرأ القران الكريم لفترة طويلة من الليل حتي تساقطت دموعها و خرجت دعواتها من قلبها وهي ترجو ربها ان يسترها .
في شقة سهير
انتابت سهير حيرة شديدة من جرأت فاتن الشديدة في مواجهتها !!!
وظلت تفكر في سببها !!! هل تستند فاتن علي قوة او شخصية تستطيع حمايتها منها كذلك الرجل الذي يدعي شعبان او غيره ؟؟ ام عادت لعلاقتها بطارق ؟؟ او اقامت علاقة جديدة بشخص اخر استمدت منه قوتها في مواجهتها ؟؟؟
ظلت سهير في حيرتها حتي اتصلت بطارق لتستبين منه الحقيقة …..
فاتن : حبيبي يا طارق اخبارك ايه ؟؟
طارق : الاخبار عندك انتي !! تونه رجعت ؟؟
فاتن : لأ .
طارق : ازاي ؟
مش انتي هد..دتبها انك هتف.ضحيها لو مش رجعتلك ؟؟؟
سهير : ايوه ، والبت كانت خا.يفة لحد من شوية اتصلت عليها ردت عليا بجرأة وقلة ادب !!!
طارق : مش هاممها الف.ضيحة ولا ايه ؟؟
سهير : اوعي تكون انت يا طارق اللي كلمتها وقويت قلبها كده من ناحيتي ؟!!طارق : عيب عليكي يا سهير ، لأ طبعا مش انا .
فاتن : اومال مين اللي البت دي ساندة عليه ومستقوية به ؟؟!!!
طارق : مش عارف !!! بقولك ايه يا سوسو .
سهير ” تضحك ” : نعم يا عيون سوسو .
طارق : اجيلك نسهر مع بعض سهرة حلوة ؟؟؟
سهير ” تضحك ” : يخربيتك يا واد ، انت عينك مني ولا ايه ؟؟
طارق : عيني منك من زمان يا موزة .
سهير تضحك بصوت عال ، وفجأة يدق جرس الباب !!!
سهير : بقولك ايه يا طارق ، الباب بيخبط هقوم اشوف مين ، وتعالي انا مستنياك .
طارق : مسافة السكة يا موزتي .
تطلق سهير ضحكة عالية ثم تغلق المكالمة معه وتذهب لتفتح باب شقتها ليزيحها افراد قوة بوليس الاداب من امامهم ويدا.همون الشقة ويتم القبـ .
ــض علي عدة نسوة عر.ايا ومعهم بعض الرجال و القبـ . ــض عليها بتهمة تسهيل اعمال منافية للاداب وادارة مسكنها لذلك !!!
تم اقتياد سهير و كل من كانوا في الشقة لشرطة الاداب .
يذهب طارق بعدها يدق جرس الباب ولا يجد مجيب ثم يلاحظ وجود الشمع الاحمر علي الباب !!!!!
ويعلم من بواب العمارة بحقيقة ما حدث لها .
في موقف السيارات
يجلس شعبان وسط اصدقاؤه يشربون السجائر الملفو.فة بالمخد.رات لعدة ساعات ويطلقون ضحكاتهم والتي لم تقطعها الا حين قال احدهم انا مش مصدق يا معلم شعبان ان البت فاتن تعمل فيك كده ؟؟!!
شعبان : بلاش تسخني عليها اكتر ما انا سخنان !!
الرجل : هتعمل ايه يعني ؟؟
شعبان : استني وانت تشوف انا هعمل فيها ايه .
الرجل : انت المرة اللي فاتت قولت هتعمل فيها كده قدام الناس كلها ومعملتش حاجة !!!
شعبان : كنت هعمل لولا العربية اللي طلعت من تحت الارض وضر.بتني .
الرجل ” يضحك ” : معلش يا معلم تعيش وتاخد غيرها .
شعبان : وحياتك انت لعمل فيها كل اللي قولته بس اصبر لما رجلي تخف واقف عليها تاني .
الرجل : هتنام هنا في الكشك ولا عايز تروح البيت ؟؟
شعبان : هنام هنا في الكشك .
تنهض اصدقاؤه وينصرفون ويدخل المعلم شعبان الي الكشك الخشبي و في يده سيجارته المملؤه بالمخد.رات لينال قسطا من النوم . #رواية_ظل_أمرأة_عنيدة
#للكاتب_عادل_عبد_الله
الحلقة ١٢ صباح اليوم التالي
تستيقظ فاتن تشعر بألم برأسها من اثر التفكير والبكاء طوال الليل .
الام : صباح الخير يا بنتي .
فاتن : صباح النور .
الام : مالك ماسكة راسك كده ليه ؟؟
فاتن : حاسة بصداع جامد في راسي .
الام : وانا كمان ، ده انا طول الليل معرفتش انام .
فاتن : ليه كده ؟؟
الام : كنت سامعه صوت عربيات مطافي ، معرفش كنت بحلم ولا بجد !!
فاتن : وانا كمان سمعتها ، تبقي اكيد حقيقة .
الام :
ربنا يكفينا الشر ، يا تري ايه اللي حصل في المنطقة بالليل .
فاتن : انا هنزل اشتري فطار واشوف ايه اللي حصل .
تذهب فاتن لشراء الفطور وتسمع حديث أمرأتين عن احتر.اق كشك المعلم شعبان في الموقف .
لا تستطيع كبح فضولها فتسألهم : حر.يق ايه اللي حصل بالليل ؟
: الكشك الخشب اللي بيقعد فيه شعبان اللي ماسك الموقف اتحر.ق بالليل ، ده هو كمان كان نايم فيه وبيقولوا انه ما.ت .
فاتن : ما.ت !! متأكدة ؟؟
:
بيقولوا ، ناس كتير بيقولوا ان المطافي خرجتوا من الكشك متفحم بس لسه كان فيه الروح وما.ت قبل ما يوصل للمستشفي .
فاتن ” في خاطرها ” احمدك واشكر فضلك يارب .
تتركهم وتنصرف وتفاجئ بحمزة امامها يبتسم !!!
تتذكر الموقف الوحيد بينهما حين سألها عن سر غيابها وردت عليه ببرود وتركته وانصرفت !!! تشعر فاتن بالخجل من ذاك الموقف فتبتسم في وجهه .
حين يري ابتسامتها له يقفز قلبه فرحا ويشعر وكأنما الشمس اشرقت في عينيه بعد شتاء طويل !!!!
يتجه اليها ويقول ” في تردد ” : صباح الخير يا فاتن .
فاتن : صباح النور .
حمزة : عرفتي اللي حصل بالليل ؟؟
فاتن : قصدك الحر.يق اللي حصل ؟؟
حموة : ايوه ، الكشك اتحر.ق بشعبان جواه .
فاتن : انت متأكد انه ما.ت ؟؟
حمزة : ايوه متأكد لأن النــ . ــار أكلت جسمه لأنه كان نايم ولما حس بالنــ . ــار وصحي مقدرش يخرج بسرعة بسبب الكس.ر اللي في رجله ، عموما الحمد لله انه بعد عنك للأبد .
فاتن : ايوه الحمد لله ، أستأذن انا همشي ومتشكرة اوي علي الاخبار الجميلة دي .
تهم فاتن بالانصراف فيوقفها حمزة سريعا :
لأ استني .
فاتن ” بتعجب ” : فيه ايه ؟
حمزة : انا … اناااا …..
فاتن : انت ايه ؟
حمزة : انا عايز اخطبك .
فاتن ” تضحك ” : تخطبني !!! لكن انت لسه بتدرس !!!
حمزة : انا خلصت امتحانات اخر سنة و هتخرج واشتغل علطول وعندي شقتي اللي اتجوز فيها ، وقبل كل ده انا بحبك اوي .
فاتن : انا مقدرة مشاعرك لكن اعذرني انا مبفكرش في الجواز دلوقتي .
حمزة : طيب نتخطب دلوقتي ، ونتجوز بعد سنة او سنتين .
فاتن ” تبتسم ” : لأ معلش انا مبفكرش حاليا ولا في خطوبة ولا جواز ، ربنا يرزقك بواحدة احسن مني .
تتركه فاتن وتنصرف وتعود الي المنزل .
فاتن ” تضحك ” : عارفة الحر.يق اللي كان بالليل كان فين ؟
الام : فين ؟؟
فاتن : كان في كشك شعبان وهو كان جواه والحمد لله ما.ت وارتحت من اذ.اه .
الام : لاحول ولا قوة الا بالله .
فاتن : انتي زعلانة عليه ولا ايه ؟؟
الام : لأ مش زعلانة ، لكن مهما كان ده بني ادم .
فاتن : بني ادم مؤ.ذي الحمد لله ارتحنا من اذ.اه .
الام : ايوه ، دلوقتي تقدري تنزلي وتخرجي براحتك بدون خو.ف .
فاتن : ايوه ، انا هفطر معاكي وانزل اشوف شغل .
الام : انتي لغاية دلوقتي مش لقيتي شغل ؟!!
فاتن : قدمت في اكتر من شغل ، والنهاردة رايحة اقدم في شغل تاني .
الام : ربنا يوفقك ، حاولي متتأخريش علشان السمسار كلمني وقالي علي شقة نشوفها النهاردة .
فاتن : حاضر يا ماما .
تنصرف فاتن وفي طريقها للبحث عن عمل وهي مازالت تشعر بسعادة بعد رحيل شعبان تفاجئ برسالة من طارق !!!
تفتح الرسالة لتقرأها ” اوعي تفتكري بعد اللي حصل لسهير اني هبعد واسيبك ، تبقي بتحلمي !! لو مش هترجعيلي بمزا.جك هترجعيلي لما تشوفي الفيديو اللي هبعتهولك كمان شوية ، ولما تشوفيه لو عايزاني اذيع قول ذيع ” .
ينقبـ . ــض قلبها بسبب رسالته و تتسائل فيديو ايه اللي هيبعته ؟؟ وايه اللي حصل لسهير ؟؟
تنتظر وصول الفيديو حتي يصلها وتفاجئ بأنه لها مع طارق اثناء علاقتهما !!!
لا تستطيع التفكير او الانتظار طويلا لترد عليه وتتصل به …
فاتن : عايز ايه يا طارق ؟
طارق : عايزك يا عسل .
فاتن : انا قواتلك يا طارق اني بطلت وبعدت عن الطريق ده .
طارق : ابعدي زي ما تحبي لكن متبعديش عني انا .
فاتن : قولي الاول ايه اللي حصل لمدام سهير ؟
طارق : بوليس الاد.اب قبـ . ــضوا عليها هي واللي معاها وشمعوا الشقة .
” تتنفس فاتن الصعداء وتقول في خاطرها الحمد لله ” ثم تقول له :
يا طارق انت شاب وسيم ومعاك فلوس والف واحدة تتمناك ، ليه مصمم ترجعني للغلط تاني ؟!!!
طارق : مزاجي ، لقيت مزاجي معاكي .
فاتن : لو بتحبني نتجوز .
طارق : تاني انتي ؟؟!! ما انا قولتلك مش هتجوز واحدة شمال زيك .
فاتن : مادام انا شمال معلق نفسك بيا ليه ؟؟!! بص يا طارق انا حبيتك بجد لكن مش هقدر ارجع للطريق ده تاني ، انا دلوقتي بصلي وبقرأ قران و توبت ومش عايزة ارجع لكده تاني ، ارجوك بلاش تعمل معايا كده .
طارق ” يضحك بسخرية ” :
تصلي بعد ايه يا بت ؟؟ بعد كل اللي عملتيه عايزة تتوبي وتصلي !!!
فاتن : ربك غفور رحيم وبأذن الله يقويني اني اكمل ومرجعش للغلط تاني .
طارق : يبقي نذيع الفيديو علشان الشباب تنبسط ، معلش يا عسل هضطر اذيع الفيديو ده هيعمل مشاهدات كتير اوي ، بصراحة ادائنا كان عالي .
فاتن : تصدق انا فعلا ندمانة علي كل لحظة حبيتك فيها !!!
طارق : حب ايه يا بت !! هي اللي زيك تعرف الحب ؟؟!
فاتن : طيب سيبني افكر و بلاش تنشر الفيديو دلوقتي .
طارق :
هتغكري اد ايه ؟؟
فاتن : كام يوم افكر .
طارق : هما يومين بس ، تفكري وتردي عليا يا عسل بعد يومين هتلاقي الفيديو الجميل ده في كل حته .
فاتن : حاضر .
بعد يومين
تشعر فاتن بر.عب من مجرد فكرة انتشار الفيديو المخل لها !!
تجد اتصال من طارق فيدق قلبها خو.فا ثم ترد ….
فاتن : الو .
طارق : احلي الو سمعتها طول عمري ، عملتي ايه يا عسل ؟؟
فاتن : طارق ممكن نتقابل ونتكلم مع بعض شوية ؟؟
طارق : قوليلي وافقتي ولا لسه معانده زي ما انتي ؟؟
فاتن : لما نتقابل ونتكلم .
طارق : وماله يا عسل ، نتقابل .
فاتن : انا هكون جاهزة بعد ساعة .
بعد ساعة تنزل فاتن من منزلها و يبدو وجهها شاحبا من اثر الخو.ف .
تصل الي احد الكافيهات لتجد طارق يجلس في انتظارها .
بمجرد ان يراها طارق ويري ملابسها الفضفاضة و الحجاب الذي يغطي رأسها ترتسم علي وجهه علاما.ت التعجب !!!
طارق : ايه اللبس الغريب ده !!! انتي توبتي بجد ولا ايه ؟؟
فاتن : كنت فاكرني بكدب عليك ؟؟
طارق : تكدبي او لأ المهم اني شوفتك وكنتي وحشاني اوي .
فاتن :
يا طارق انا زي ما قولتلك قبل كده انا توبت ومش عايزة ارجع للغلط تاني ، لو فعلا بوحشك وبتحبني اتجوزني .
طارق : وانا قولتلك مش ممكن اتجوز واحدة ش…..
فاتن : خلاص يا طارق متكملش ، كفاية سمعتها منك كتير اوي .
طارق : خلينا في المهم ، هتيجي معايا الشقة دلوقتي ؟؟
فاتن : حتي بعد ما شوفتني كده ؟!!!
طارق : ايوه بقولك وحشتيني .
فاتن : ياااه انت فيه جواك شر كبير اوي !!!
طارق : انتي مالك جوايا شر ولا خير ؟
وبعدين انا اعرف منين انك مش بتمثلي عليا وواخدة الهدوم ده من اي واحدة علشان اصدق الدور اللي بتمثليه ؟؟
فاتن : لا يا طارق انا فعلا توبت بجد و…
طارق : متكمليش انتي بقي ، انا ميهمنيش كل اللي بتقوليه ده ، اللي يهمني دلوقتي اني عايزك ، قولتي ايه ؟
فاتن : لأ يا طارق ، مش هرجع كده تاني .
طارق : حلو عنادك ده اوي !! ابقي خلي عنادك ده ينفعك لما الكل يشوفك يا عسل في الفيديو وانتي ……
فاتن : وهتف.ضح نفسك معايا ؟؟!!
طارق :
انا وشي مش واضح زيك يا عسل ، انتي وشك كان منور الشاشة .
فاتن : اتقي الله ، خاف من ربنا .
طارق : الكلام ده مع واحدة شريفة مش واحدة زيك .
فاتن : واذا كان ربنا اداني فرصة اني اتوب ، انت ليه عايز تحرمني منها ؟!!
طارق : انا الكلام معايا خلص ، معلش هقوم علشان عندي مشوار مع موزة تانية ، هستني منك تليفون علشان نتقابل بكره في شقتي ، لو مش اتصلي بنفسك وقولتيلي انك جاية شقتي بعد بكره هتكوني منورة علي كل المواقع .
انصرف طارق وتركها تبكي بمر.ارة وخو.ف !! لتأخذ حقيبتها وتمشي في انكسار لا تعرف كيف تتصرف مع ذلك الجحو.د !!!
عاد طارق الي منزله وبمجرد دخوله يقوم شخصا بمباغته بضر.بات سريعة ومتتالية !!!
يحاول طارق صد ضر.باته الا ان ضر.باته كانت سريعة ومتتالية حتي او.قعت طارق ارضا رغم بنينه القوية !!!
طارق : انت مين ؟ وعايز مني ايه ؟؟
: ابعد عن فاتن .
طارق : فاتن !!! وانت مالك ؟
فيباغته هذا الشخص بعدة ضر.بات قوية سريعة ثم يقول : سمعت قولتلك ايه ؟؟ ابعد عن فاتن ، اوعي تتعرض لها تاني!!!
طارق : انت مين ؟؟ ومخبي وشك بالماسك ده ليه ؟؟
: ملكش دعوة ، انا دلوقتي ممكن اخل.ص عليك ، لكن هديلك فرصة تعيش ، لو فكرت تتعرض لفاتن تاني هيكون اخر يوم في عمرك !!
#رواية_ظل_أمرأة_عنيدة
#للكاتب_عادل_عبد_الله