اسكريبت قنينة عطر
الجزء الثانى مريم ابتدت تفتح عنيها وشافت نفسها فوق الكنبه واحمد قاعد جمبها بيفوق فيها ولابس هدومه وعلامات الخوف باينه على وشه وابنها جمبها على الارض وعلى صرخه وحده مريم بعدته عن طريقها وقامت بضعف وراحت على الاوضه بصت ملقتش حد فيها ..لكن الفرشه متنعكشه وبعض من هدوم اللى كانت مع جوزها لسه عالارض ..مريم حطت وشها بين ايديها ودخلت فنوبة بكا هستيرى …بكا بكل قهر ..قهر من خـ,ـيانه شافتها بعنيها ومنظر لغاية دلوقتى عقلها مش مستوعبه …
رجعت تانى قعدت على الكنبه واخدت ابنها فحـ,ـضنها وكل دا واحمد ملازمها خطوه بخطوه بس من غير مايتكلم واديه محاوطاها بس من بعيد ..
اخيرا احمد قرر الكلام ويادوب نطق حروف اسمها وهى فورا بصتله بعيون حمرا من الغضب كأنهم نذير حرب خلته قطم الكلام بعد ماهمس بكلمه وحده بس ..آسف آسف ..فضلت ترددها جواها كتير عشان تلاقيلها قيمه او معنى قصاد اللى عمله
لكن للاسف ملقتـ,ـلهاش اى قيمه ..
آسف ..ازاى كلمه وحده تتقال بعد كل جـ,ـريمه وبعد كل كسره وكل وجع والمفروض انها تعادل كل دا وتمحيه ..
دقايق من الصمت ميتسمعش فيها غير شهقات الطفل الصغير ..والدقايق بقت نص ساعه والنص ساعه بقت ساعه ومريم ساكته متكلمتش لكن صوت احمد وهو بيعتذرلها مره تانيه كان كفيل انه يفجر كل براكينها . مريم بمنتهى الهدوء :قولى لقيت فيها ايه مش فيا ..قولى انا قصرت معاك فأيه! قولى ايه اللى حرماك منه ورحت تدور عليه معاها وفحـ,ـضنها؟
احمد بسرعه مسك ايدها وفضل يبـ,ـوس فيها ويتأسف وصوته كله ندم وهو بيقولها : والله نزوه ..والله غلطه ومش عارف غلطتها ازاى ..دى اول مره تحصل صدقينى ..اصلا والله العظيم انتى ست الستات والعيب كله فيا انا ..انا اللى حبيت اجرب دا لمره وحده مريم انا بحبك والله العظيم وعمرى ماحبيت ولا هحب غيرك ..مريم سامحينى اوعدك دى اول وآخر مره ..
مريم بجمود :عرفتها ازاى وامتا
احمد :زميلتى فالشغل ..واتجوزتها بعقد عرفى والله ..انا مش عامل حاجه حرام ولا عيب يامريم ..لكن برضو مكنتش ناوى استمر معاها ..
نزوه وكانت هتنتهى وانا وهى متفقين على كده ..مريم انا مليش غيرك انتى الاساس ومقدرش استبدلك بوحده تانيه ابدا .. مريم بصدمه :متجوزها يااحمد ؟!
احمد :نزوه والله يامريم مش اكتر صدقينى ومحبتش اعمل حاجه حرام مريم بصتله بعيون خاليه من الحياه وهمستله :طلقنى يااحمد ..
كلمه خرجت منها كانت كفيله انها تجن جنونه وتقلب موازينه وتخليه يركع على رجليه قبالها ولسانه مبطلش اسف ولا اعتذار ..كان عامل زى العيل الصغير اللى عامل غلطه وخايف حد الرعب لما جه وقت العقاب .. مريم بعدت عنه وسابته قاعد على الارض وراحت على الاوضه التانيه عشان مستحملتش تدخل مكان تم فيه طعنها بأكثر الطرق قسوه
نيمت ابنها وفضلت تلف فالاوضه زى المجنونه ..ضحكت على نفسها وهى من شويه كانت منهاره من مكالمة تليفون وكانت فاكره انها قمة الخـ,ـيانه ..مكانتش فاكره ان القمه دى جوزها هيتسلق قمه اعلى منها ويوصل فالخـ,ـيانه لاعلى القمم ..
طلعت تليفونها واتصلت على مامتها واول ماسمعت صوت امها صوتها رج المكان وهى بتقول لامها : ماما تعاليلى بسرعه ..ماما انا بمـ,ـوت احمد اتجوز عليا وحده تانيه ..اتجوزها عرفى وجابها فشقتى..شفته بعينى مع غيرى وعلى سريرى …احمد دبحنى ياأمى . الام: اهدى يامريم انا جيالك ياحبيبتى ..قالتها و قفلت السكه وبسرعه نزلت راحتلها .